Sup'Asprumunti c'è 'na gran Signura - Sull'Aspromonte c'è una gran Signora

A' Madonna dâ Muntagna

        Calabrese

Sup'Asprumunti c'è 'na gran Signura,
Maria di la Muntagna esti chiamata:
jèu mu' l'arrivu no' cci vìju l'ura
e no' mi stancu di la caminata.

E comu i nostri patri sonu e cantu,
'u cori 'n manu a' Vèrgini presentu
e no' mi movu di lu locu santu
se no' si poni fini o' me' tormentu.

Rigina chi lu Celu cumandati,
la paci sulu Vu' potiti dari:
pecchì pentutu su' di li peccati,
li Vostri gran virtù vògghju lodari!

E quandu a la me' casa jèu ritornu
mi sentu veramenti ricriari
e pregu la Madonna notti e jornu
pe' li figghjòli e li perzuni cari.

Alla Madonna della Montagna di Polsi

        In "Lingua"

Sull'Aspromonte c'è una gran Signora,
Maria della Montagna è chiamata:
io a raggiungerla non vedo l'ora
e non sono stanco della camminata.

E come i nostri padri suono e canto,
il cuore in mano alla Vergine presento
e non mi muovo dal luogo santo
se non si pone fine al mio tormento

Regina che il Cielo comandate,
la pace solo Voi potete dare:
poiché sono pentito dei peccati
le Vostre gran virtù voglio lodare!

E quando alla mia casa io ritorno
mi sento veramente ricreare
e prego la Madonna notte e giorno
per i giovani e le persone care.